काठमाडौँ । राजश्व अनुसन्धान विभागले भेहिकल एण्ड कन्साइनमेन्ट ट्रयाकिङ सिस्टम(भीसीटीएस) विवरण नभरी मालवस्तु ढुवानी गर्ने विभिन्न १९ वटा फर्महरुलाई जरिवान गरेको छ । 

काठमाडौँ न्यूरोड क्षेत्रका ८५ फर्महरुको माघ ७ र ८ गते अनुगमन गर्दा १९ वटा फर्महरुले उक्त प्रणालीमा विवरण नबुझाई मालवस्तु ढुवानी गरेको पाइएपछि २४ लाख २५ हजार जरिवान गरिएको विभागका महानिर्देशक दीर्घराज मैनालीले बताए । 

साथै व्यवसाय गर्ने सम्पूर्ण फर्म संस्थाहरुले व्यवसायिक प्रयोजनका मालवस्तु ढुवानी गर्नु पूर्व दुवानी गसिरने मालवस्तु र सवारी साधनको संक्षिप्त विवरण भीसीटीएस प्रणालीमा अनिवार्य प्रविष्ट गरी क्यूआर कोड भएको भीसीटीएस मेनिफेस्टो र सक्कल कागजात राखि मालसमान ओसारपसार गर्न विभागले आज विज्ञप्ति प्रकाशित गरी सुझाएको छ ।